பரிசுத்த பாப்பரசர் ஆகஸ்ட் மாதம் அயர்லாந்திற்கு விஜயம்!

பரிசுத்த பாப்பரசர் பிரான்ஸிஸ் எதிர்வரும் ஆகஸ்ட் மாதம் அயர்லாந்திற்கு விஜயம் ஒன்றை மேற்கொள்ளவுள்ளதாக அந்நாட்டு ஊடகம் செய்திகள் வெளியிட்டுள்ளன.

மூன்று வருடங்களிற்கு ஒருமுறை நடத்தப்படும் சர்வதேச கத்தோலிக்க நிகழ்வான குடும்பங்கள் உலக மாநாடு இம்முறை டப்ளினில் இடம்பெறவுள்ளது.

இம்மாநாட்டில் கலந்து கொள்ளவே அயர்லாந்திற்கு பாப்பரசர் விஜயம் மேற்கொள்ளவுள்ளதாகவும் தெரியவருகின்றது.

இதேவேளை சுமார் 40 வருடங்களில் அயர்லாந்திற்கு விஜயம் செய்யும் முதலாவது பாப்பரசர் இவர் என தெரிவிக்கப்படுகிறது.

1979ஆம் ஆண்டு இறுதியாக பாப்பரசர் ஜோன் போல் 11 அயர்லாந்திற்கு விஜயம் செய்திருந்தமை குறிப்பிடத்தக்கது.