அவுஸ்திரேலியாவின் வடக்கு குயீன்ஸ்லாந்து பகுதியில் ஹெலிக்கொப்டர் ஒன்று விபத்துக்குள்ளானதில் அமெரிக்க சுற்றுலாப் பயணிகள் இருவர் உயிரிழந்துள்ளதுடன் 3 பேர் படுகாயமடைந்துள்ளதாக பொலிஸார் தெரிவித்துள்ளனர்.
இது குறித்து நேற்று புதன்கிழமை மாலை ஹவாய் இருந்து நான்கு அமெரிக்க சுற்றுலா பயணிகளுடன் புறப்பட்ட இந்த ஹெலிகொப்டர் விபத்துக்குள்ளானதாக இன்று வியாழக்கிழமை அவுஸ்திரேலிய பொலிஸார் தகவல் தெரிவித்துள்ளனர்.
இவ்விபத்தின்போது அமெரிக்காவைச் சேர்ந்த 65 வயதான பெண்ணொருவரும், 79 வயதான ஆணொருவரும் உயிரிழந்துள்ளனர்.
இதேவேளை 33 வயதான யுவதியும், 34 வயதான நபரும் உயிர்பிழைத்துள்ளதுடன் இவர்கள் தொடர்பான எந்தவித மேலதிக தகவல்களையும் பொலிஸார் தெரிவிக்க மறுத்துள்ளனர்.
மேலும் ஹெலிகொப்டரில் இருந்த விமானி உயிராபத்தை தாண்டிய நிலையில் தற்போது வைத்தியசாலையில் சிகிச்சை பெற்று வருவதாக குயீன்ஸ்லாந்து பொலிஸார் தெரிவித்துள்ளனர்.
இந்த விபத்திற்கான காரணம் கண்டறியப்படாதநிலையில், அவுஸ்திரேலிய போக்குவரத்து பாதுகாப்புச் பணியகம் மேலதிக விசாரணையை முன்னெடுத்துள்ளமை குறிப்பிடத்தக்கது.
