முதலாம் நாள் ஆட்ட முடிவில் 266 ஓட்டங்களுடன் தென்னாபிரிக்கா அணி!

அவுஸ்ரேலியா மற்றும் தென்னாபிரிக்கா அணிகள் மோதிய 3 ஆவது டெஸ்ட் போட்டியின் முதலாம் நாள் ஆட்ட முடிவில் தென்னாபிரிக்கா அணி 266 ஓட்டங்கள் பெற்றுள்ளது.

அவுஸ்ரேலியா மற்றும் தென்னாபிரிக்கா அணிகள் மோதும் 4 போட்டிகள் கொண்ட டெஸ்ட் தொடர் கடந்த 1 ஆமத் திகதி முதல் நடைபெற்று வருகின்றது. இப் போட்டியில் ஏற்கனவே நடைபெற்ற 2 போட்டிகளில் இரு அணிகளும் தலா ஒரு வெற்றிகளை பெற்றுள்ளன.

இதனை தொடர்ந்து இன்று 3 ஆவது டெஸ்ட் போட்டி ஆரம்பமாகியுள்ளது. இன்று ஆரம்பமான போட்டியில் டாஸ் வென்ற தென்னாபிரிக்கா அணி முதலில் துடுப்பெடுத்தாட முடிவு செய்துள்ளது.

இதனடிப்படையில் களமிறங்கிய தென்னாபிரிக்கா அணி முதலாம் நாள் ஆட்ட முடிவில் 87 ஓவர்களில் 8 விக்கெட்டுக்களை இழந்து 266 ஓட்டங்களை பெற்றுள்ளது. தொடர்ந்து நாளை 2 ஆம் நாள் ஆட்டம் நடைபெறவுள்ளது.