இலங்கை பெண்கள் அணியை வீழ்த்தி 3 ஆவது போட்டியிலும் வெற்றி பெற்ற பாக்கிஸ்தான்!

பாக்கிஸ்தான் அணி இலங்கைக்கு சுற்றுப்பயணம் மேற்கொண்டு, கடந்த 20 திகதி முதல் 3 போட்டிகள் கொண்ட ஒருநாள் போட்டியிலும், 3 போட்டிகள் கொண்ட இருபதுக்கு 20 தொடரிலும் விளையாடி வருகின்றது. இப் போட்டியில் ஏற்கனவே நடைபெற்று முடிந்த 2 ஒருநாள் போட்டிகளில் பாக்கிஸ்தான் அணி வெற்றி பெற்றுள்ளது.

அதனை தொடர்ந்து இன்று 3 ஆவது போட்டி ஆரம்பமாகியுள்ளது. இன்று ஆரம்பமான போட்டியில் முதலில் களமிறங்கிய பாக்கிஸ்தான் அணி 50 ஓவர்களில் 9 விக்கெட்டுக்களை இழந்து 215 ஓட்டங்களை பெற்றுள்ளது.

இதனை தொடர்ந்து களமிறங்கிய இலங்கை அணி 41.3 ஓவர்களில் அனைத்து விக்கெட்டுக்களையும் இழந்து 107 ஓட்டங்களை மாத்திரம் பெற்று, 108 ஓட்டங்களால் பாக்கிஸ்தான் அணியிடம் தோல்வியடைந்து, ஒருநாள் போட்டி தொடரையும் முற்றுமுழுதாக இழந்துள்ளது.