யாழில் பல நாட்களின் பின் கோடை மழை; மக்கள் மகிழ்ச்சி!

இலங்கையின் வடக்கே யாழ்பாணத்தின் சில பகுதிகளில் கோடை மழை பொழிந்துள்ளதால் மக்கள் மகிழ்ச்சியில் உள்ளதாக எமது பிரதேச செய்தியாளர்கள் குறிப்பிடுகின்றனர்.

இன்று காலையிலிருந்து மத்தியானம்வரை கனத்த வெய்யில் எறித்துள்ள நிலையில் தற்பொழுது மழை பொழிந்துள்ளமையானது மகிழ்வுக்குரிய ஒன்றாக விளங்குவதாக கூறப்பட்டுள்ளது.

யாழ்ப்பாணத்தில் பல நாட்களாக மழைப் பொழிவு இல்லாமையினால் கடும் வெப்பம் நிலவிவருவதுடன் நீர் நிலைகளும் வற்றுப்போக்கிற்கு முகம்கொடுத்துள்ளதாக தெரிவிக்கப்பட்டுள்ளது.

இதேவேளை இலங்கை வளிமண்டலவியல் திணைக்களம், இம்மாதம் முழுவதும் தற்பொழுது நிலவிவரும் வெப்பநிலை தொடர்வதற்கான வாய்ப்புள்ளது என அறிக்கை வெளியிட்டுள்ளமை குறிப்பிடத்தக்கதாகும்.