பாடசாலைகளுக்கான தவணை விடுமுறை அறிவிக்கப்பட்டுள்ளது!

இலங்கையில் 2018ம் ஆண்டுக்கான முதலாம் தவணை கல்விச் செயற்பாடுகள் எதிர்வரும் வௌ்ளிக்கிழமை நிறைவடைவதாக கல்வி அமைச்சு தெரிவித்துள்ளது.

அதன்படி, அரச மற்றும் அரச அனுமதி பெற்ற தமிழ், சிங்கள பாடசாலைகளில் எதிர்வரும் ஏப்ரல் 23ம் திகதி இரண்டாம் தவணை கல்விச் செயற்பாடுகள் ஆரம்பமாகவுள்ளதாக கல்வி அமைச்சு தெரிவித்துள்ளது.

இதேவேளை, முஸ்லிம் பாடசாலைகளின் முதலாம் தவணை எதிர்வரும் புதன் கிழமை நிறைவடையும் நிலையில், இரண்டாம் தவணை கல்விச் செயற்பாடுகள் ஏப்ரல் மாதம் 18ம் திகதி ஆரம்பமாகவுள்ளமை குறிப்பிடத்தக்கதாகும்.