யாழ் வந்துள்ள நகைச்சுவை நடிகர் கருணாஸ்: காரணம் இதுதான்!!

தமிழக சட்டசபையின் அதிமுக சட்டமன்ற உறுப்பினரும், பிரபல நகைச்சுவை நடிகருமான கருணாஸ் (கருணாநிதி) யாழ்ப்பாணத்துக்கு விஜயம் மேற்கொண்டுள்ளார்.

இன்று (வெள்ளிக்கிழமை) காலை 09.30 மணியளவில் வடக்கு மாகாண முதலமைச்சரை முதலமைச்சரின் இல்லத்தில் சந்திக்கிறார்.

தமிழகத்தில் ஈழச் சிறார்களின் கல்விக்காக தனது சொந்த நிதியில் கட்டியுள்ள பாடசாலையை வடக்கு மாகாண முதலமைச்சர் நீதியரசர் க.வி.விக்னேஸ்வரனை அழைத்து திறந்து வைக்கவுள்ளார்.

அதற்காக முதலமைச்சரை நேரில் வந்து அழைப்பு விடுக்கவே கருணாஸ் யாழ்ப்பாணம் வருகை தந்துள்ளார் என தெரியவந்துள்ளது.

முதலமைச்சருடான சந்திப்பு நிறைவடைந்ததும் கருணாஸ் யாழ்ப்பாண செய்தியாளர்களைச் சந்திப்பார் எனத் தெரிவிக்கப்பட்டது.

அதனைத்தொடர்ந்து கிளிநொச்சியில் நடைபெறும் காணாமல் ஆக்கப்பட்ட உறவுகளின் போராட்டத்திற்கும் சென்று அவர்களையும் சந்திக்கவுள்ளார் என்று கூறப்படுகிறது.