கோர விபத்தில் சிக்கி பலியான தந்தையும், மகனும்

அகலவத்தை – புளத்சிங்கள – கலவெல்லாவ பிரதேசத்தில் இடம்பெற்ற மோட்டார் வாகன விபத்தில் ஒரே குடும்பத்தை சேர்ந்த தந்தை மற்றும் மகனும் பலியாகியுள்ளனர்.

மோட்டார் வாகனத்தின் வேகத்தை கட்டுப்படுத்த முடியாமல் வீதியை விட்டு விலகி பாலமொன்றில் மோதி இந்த விபத்து இடம்பெற்றுள்ளதாக அகலவத்தை காவல்துறை தெரிவித்துள்ளது.

விபத்தில் ஒரே குடும்பத்தை சேர்ந்த தந்தை, மகன் மற்றும் மகனின் மகளுடன், 12 வயதான சிறுவனும் படுகாயமடைந்து ஹொரணை மருத்துவமனையில் அனுமதிக்கப்பட்டனர்.

இதில் 92 வயதான தந்தையும், 51 வயதான மகனும் சிகிச்சைப் பலனின்றி உயிரிழந்துள்ளதாக காவல்துறை தெரிவித்துள்ளது.

உயிரிழந்துள்ள மகன் அமைச்சர்களின் பாதுகாப்பு பிரிவில் சேவை புரியும் காவல்துறை அதிகாரியென தெரியவந்துள்ளது