போட்டி இறுதி கட்டத்தை நெருங்கி விட்டது. ஐதராபாத், சென்னை, கொல்கத்தா ஆகிய அணிகள் பிளே ஆஃப் சுற்றுக்கு தகுதி பெற்று விட்டன.
எஞ்சிய ஒரேஒரு இடத்திற்கு ராஜஸ்தான், மும்பை, பஞ்சாப் அணிகள் போட்டியில் உள்ளன.
ராஜஸ்தானுக்கு வாய்ப்பு எப்படி ?
ராஜஸ்தான் அணி தற்போது புள்ளிப்பட்டியலில் 4வது இடத்தில் உள்ளது. இந்த அணி பிளே ஆஃப் சுற்றுக்கு முன்னேற, இன்று நடக்கும் போட்டியில் டெல்லிக்கு எதிராக மும்பையும், சென்னைக்கு எதிராக பஞ்சாப் அணியும் தோற்றால் புள்ளிப்பட்டியலில் எந்த மாற்றமும் ஏற்படாமல் ராஜஸ்தான் தகுதி பெற்று விடும்.
மும்பைக்கு வாய்ப்பு எப்படி ?
மும்பைக்கு ரன் ரேட் 0.384 என நேர்மறையாக உள்ளதால் இன்று டெல்லிக்கு எதிராக மும்பை வெற்றி பெற்றுவிட்டால் 14 புள்ளிகளுடன் பிளே ஆஃப் சுற்றுக்கு முன்னேற அதிக வாய்ப்பு உள்ளது.
பஞ்சாப் வாய்ப்பு எப்படி?
இன்று டெல்லிக்கு எதிராக மும்பை தோற்று வெளியேறுவதோடு, சென்னையை மிக அதிக ரன் வித்தியாசத்தில் அல்லது விக்கெட் குறைவாக இழந்து சேஸ் செய்துவிட்டால் பஞ்சாப் அணி பிளே ஆஃப் சுற்றுக்கு முன்னேற வாய்ப்புள்ளது.
ஏனெனில் ராஜஸ்தான் -0.250 என ரன் ரேட் எதிர்மறையாக இருந்தாலும், பஞ்சாப்பை விட குறைவு அதனால் பஞ்சாப் மிகப்பெரிய வெற்றி பெற்றாக வேண்டிய கட்டாயம் ஏற்பட்டுள்ளது.
பிளே ஆஃப் எப்போது?
பிளே ஆஃப் சுற்றின் தகுதி சுற்று 1 மே 22ம் தேதியும், வெளியேற்று போட்டி 23ம் தேதியும், தகுதி சுற்று 2 மே 25ம் தேதியும், இறுதிப் போட்டி மே 27ம் தேதியும் நடக்க உள்ளன.
