ஹட்டன் பொலிஸ் பிரிவிற்குட்பட்ட ஹட்டன் கொழும்பு பிரதான வீதியின் குயில்வத்தை பிரதேசத்தில் கார் ஒன்று குடியிருப்பு மீது குடைசாய்ந்து 25 அடி பள்ளத்தில் கவிழ்ந்து விபத்துக்குள்ளாகியுள்ளதாக ஹற்றன் பொலிஸாா் தெரிவித்தனர்.
இந்த விபத்து நேற்றையதினம் (27.05.2018) ஞாயிற்றுகிழமை இரவு 09.45 மணி அளவில் சம்பவித்துள்ளதாக தெரிவிக்கபடுகிறது.
ஹட்டன் பகுதியில் இருந்து கொழும்பு பிரதேசத்திற்கு பயணித்த குறித்த காரின் உட்பகுதியில் பியர் மற்றும் மதுபான போத்தல்கள் இனங்கானப்பட்டுள்ளதாக பொலிஸாா் தெரிவித்துள்ள நிலையில் குறித்த விபத்திற்கு உள்ளான வாகனத்தில் பயணித்தவா்கள் மதுவில் இருந்திருக்கலாம் என சந்தேகசம் வெளியிடப்பட்டுள்ளது.
அத்துடன் வாகனத்தை செலுத்திய சாரதி மற்றும் பயனித்தோர் தப்பி சென்றுள்ளதாக பொலிஸாா் சந்தேகிக்கின்றனர்.
இந்த வாகனம் விபத்து ஏற்பட்டமை தொடர்பில் வாகனத்தில் பயனித்தவர்கள் எவரும் ஹட்டன் பொலிஸாருக்கு தகவல் வழங்கவில்லை என தெரிவிக்கும் பொலிஸார் வாகன உரிமையாளரையும் வாகனத்தை செலுத்திய சாரதி மற்றும் அதில் பயணித்தவர்கள் தொடர்பில் விசாரணைகளை ஆரம்பித்துள்ளதோடு அவர்களை தேடி வருவதாகவும் குறிப்பிட்டனர்.
